Þorp og staðir

Mannlíf og atvinnulíf á Norðurlandi er með ýmsu móti. Til sveita er stundaður búskapur en í bæjum skipta fiskveiðar, iðnaður, verslun og ýmis þjónusta mestu máli. Hver bær hefur sín sérkenni en öllum er sameiginlegt að taka vel á móti gestum. Auðvelt er að fá mat og gistingu og möguleikar til útivistar og afþreyingar eru alls staðar fyrir hendi.

Skoðunarferðir um bæina eru því bæði skemmtilegar og fræðandi. Akureyri er höfuðstaður Norðurlands og þaðan er hægt að fara í langar og stuttar ferðir. Stutt er austur til Húsavíkur og út Eyjafjörð til Dalvíkur, Ólafsfjarðar og Siglufjarðar þar sem fólk býr inn á milli hárra fjalla. Einnig er upplagt að skreppa til Sauðárkróks, Blönduóss og Hvammstanga.

Hvarvetna er líf og fjör og fólk gerir sér glaðan dag. Sem dæmi má nefna að Akureyringar halda „Eina með öllu” á Akureyri, Fiskidagurinn mikli er á Dalvík, Berjadagar í Ólafsfirði, Þjóðlagahátíð á Siglufirði, Sæluvika í Skagafirði, Matur og menning á Blönduósi og Unglistahátíð á Hvammstanga. Siglingar út í Hrísey og Grímsey eru skemmtileg upplifun og nýtur fjölskylduhátíð Hríseyinga mikilla vinsælda.

		Akureyri			Árskógssandur		Bakkafjörður		Blönduós

		Dalvík			Grenivík		Grímsey Island		Hauganes

		Hjalteyri			Hofsós		Hólar		Hrafnagil

		Hrísey			Húsavík		Hvammstangi		Kópasker

		Laugabakki			Laugar		Ólafsfjörður		Raufarhöfn

		Reykjahlíð			Sauðarkrókur		Siglufjörður		Skagaströnd

		Svalbarðseyri			Þorshöfn		Varmahlíð