Beint flug milli Akureyrar og Vestmannaeyja
02. febrúar - 14. febrúarNú er boðið upp á frábæran valkost fyrir Norðlendinga í skammdeginu, því helgina 12.-14. febrúar verður í fyrsta sinn beint áætlunarflug milli Vestmanneyja og Akureyrar, þ.e. fram og til baka báða dagana !
Nú er sérstakt tækifæri fyrir Norðlendinga að skreppa til ,,suðrænna eyja" og njóta þess að ganga á grænu grasi í febrúar, því Golfklúbbur Vestmannaeyja ætlar að standa fyrir "Suðurhafseyja open" golfmóti laugardaginn 13 febrúar. Sama kvöld verður haldið sérstakt Eyjakvöld á veitingastaðnum Volcano þar sem tónlistamenn úr Eyjum fara á kostum !
Í Vestmannaeyjum er svo elsta og merkasta fiska- og náttúrugripasafn landsins, m.a. lifandi sjávardýr í 12 búrum. Sérsýningin Pálsstofa er nú opinn í byggðasafninu, en sú sýning var opnuð í nóvember og er tileinkað ferðum og heimildarmyndum Páls Steingrímssonar. Norðlendingar ættu að geta notið þess sérstaklega að heimsækja Eyjar á þessum árstíma enda margt að skoða og njóta.
Flugfélag Íslands hefur gefið sérstakt hópaverð í þetta tilraunaflug, rúmlega 18.000 krónur, fram og til baka ! Flugið er bókanlegt beint á netinu: www.flugfelag.is
