Ferðaskrifstofan Nonni ehf. er stofnuð árið 1989 af Helenu Dejak sem fædd er og uppalin í Slóveníu, en hefur búið á Íslandi síðustu 34 ár.
Aðsetur ferðaskrifstofunnar hefur alltaf verið á Akureyri og hefur aðaláhersla frá byrjun verið lögð á móttöku erlenda gesta á Íslandi og skipulagningu ferða innanlands, en síðar bættust við ferðir til Grænlands og Færeyja. Ferðaskrifstofan Nonni býður eigin ferðir auk úrvals annarra ferða og ýmsa afþreyingu. Skrifstofan er sérhæfð í ráðgjöf og skipulagningu sérsniðinna ferða fyrir einstaklinga og hópa. Einnig hefur skrifstofan mikla reynslu í ráðstefnuhaldi og skipulagningu stærri funda.
Á Grænlandi býður skrifstofan ferðir til austur- og vesturstrandarinnar. Þær ferðir geta verið frá 3 dögum upp í 3 vikur. Í mars, apríl og maí er m.a. boðið upp á hundasleðaferðir, en á sumrin eru kajak-, báts-, gönguferðir í boði.
Vegna persónulegra tengsla við Slóveníu hefur Ferðaskrifstofan Nonni annast ferðir þangað fyrir sérhópa Um er að ræða gönguferðir, "spa"-ferðir, ofl. Þar sem tveir starfsmannanna eru virkir í kórastarfi, skipuleggur skrifstofan einnig ferðir fyrir kóra, fyrst og fremst til Slóveníu, enn einnig til annarra landa.
