Veiði í ám og vötnum

Veiðieðlið er ríkt í okkur mönnunum og margir eiga ógleymanlegar stundir með vinum eða fjölskyldu við veiðar sumar, vetur, vor og haust. Á Norðurlandi eru ótal möguleikar á að fá góða útrás fyrir þessa veiði- og félagsþörf í fallegu umhverfi.

Hvort sem þú vilt stunda stangaveiði í ám eða vötnum, skotveiði, ísdorg, sjóstangaveiði eða bara dorga niður á bryggju hefur þú úr mörgu að velja. Á Norðurlandi er að finna margar af þekktustu laxveiðiám landsins og fjölmörg gjöful silungsveiðivötn. Einnig eru minna þekktar veiðiár á hverju strái og ferðamenn hafa einnig úr að velja mörg hundruð veiðivötnum. Á Arnarvatnsheiði og Skagaheiði eru fjölmörg veiðivötn en reyndar eru gjöful veiðivötn um allt Norðurland.

Velkomin í veiðiævintýri á Norðurlandi og verði ykkur að góðu!