Á Norðurlandi eru möguleikar á fjölbreyttum sjóferðum, til að skoða hið margbreytilega lífríki sem er í sjónum og við hann.
Boðið er upp á áætlunarsiglingar ferja til Grímseyjar og Hríseyjar og eru þær siglingar mikið notaðar af ferðamönnum. Boðið er upp á skoðunarferðir á Skagafirði til Drangeyjar og Málmeyjar. Hvalaskoðunarfyrirtækin á Húsavík og við Eyjafjörð fara einnig með hópa til Flateyjar á Skjálfanda.
Við Húnaflóa er hægt að fá báta til að skoða sel, og er óvíða betri aðstaða til selaskoðunar en þar. Bátarnir sem eru að fara með ferðamenn fara einnig oft í sérstakar fuglaskoðunarferðir, eða veiðiferðir með hópa í sjóstöng.
